Ur gumuniezh menec'h Kabusined staliet e Rekourañs - ur c'harter digenvez ha didud a-walc'h c'hoazh eus kêr Vrest - he doa bet aotre da sevel ur gouent eno. Er bloaz-se end-eeun e oa bet lakaet ar maen kentañ gant Vauban, marichal Frañs hag arkitektour evit an arme.
Krouet e oa karter "ar Gabusined".
Da-heul an Dispac'h Bras hag e stourm didruez a-enep an Iliz e oa bet divodet ar gumuniezh relijiel hag e-se diberc'hennet ar Gabusined. E 1791, un dekred gant ar Vodadenn Vroadel en doa roet an tachennoù hag ar savadurioù d'ar morlu en doa staliet eno, dek vloaz diwezhatoc'h, ur c'hazarn evit an deskarded-kanolierien.
E-pad ar reveulzi industriel eus ar bloavezhioù 1840 e oa deuet tres d'an atalieroù hag e oa bet savet ar batis espar-mañ evit sevel ha dresañ bigi ar Morlu. Uhelaet ha brasaet e oa bet teir nev industriel bras an atalieroù betek 1864. 150 metr a hirder o doa ha enno e oa an deuzerezh, ar vinterezh, an uzinerezh bihan ha bras, an atalieroù montañ, juntañ ha hini an tredan a oa ezhomm da sevel kefluskerioù.
En 1878 e oa tost da 1 800 a vicherourien o labourat war bladenn ar Gabusined. En atalieroù e oa al labour ul lazh-tud a-wechoù : ouzhpenn gouzañv an trouz hag ar yenijenn e ranke an dud chom diflach rak bez' e oa pontoù-ruilh hag a gase ar pezhioù eus an eil mekanik d'egile.
Well-wazh e laboured 11e bemdez, ha goude-se, e penn kentañ an XXvet kantved, e veze labouret 8e peurliesañ. Tamm-ha-tamm e oa bet degemeret maouezed en atalieroù, daoust ma ne oant ket bet ent ofisiel nemet adalek 1978.
E-pad an Eil Brezel-bed e oa bet gwalleget da vat an atalieroù gant ar bombezadegoù, hag ivez 60% eus ar mekanikoù. Ne oa nemet ar murioù a-gement a oa chomet difreuz. Evit an adsevel e oa bet doujet arkitektouriezh an XIXvet kantved, met graet e oa bet gant beton houarnet. Ouzhpenn 10 vloaz e oa padet al labourioù, ar pezh n'en doa ket miret an atalieroù da vont en-dro er mare-se. Rak adalek 1947, war bladenn Killiverzan e-kichen an atalieroù, kreizenn stummañ teknikel deskarded an arsanailh he doa degemeret ar "Voused" a oa bet stummet eno e-pad meur a vloaz.
Betek 2004 e oa bet graet labourioù sevel ha dresañ bigi en atalieroù, dreist-holl evit ar Morlu ha Naval Group (DCNS). Setu m'o doa pourchaset pezhioù pouezus-bras evit an dougerioù-nijerezioù Clémenceau (1957) ha Charles-de-Gaulle (1987/1994) hag evit an douger-biñsaskelloù Jeanne d’Arc (1959/1961). Kement-se gant ouzhpenn 200 mekanik liesseurt-kaer, bras-bras a-wechoù, ma oa bet uzinet pizh pezhioù diniver ar batimantoù. E-pad ar bloazioù-se e oa aet ar Morlu war-zu Lanninon tamm-ha-tamm, ha gant-se e oa bet fin d'an obererezh industriel war ar bladenn e 2004... ha dieubet evel-se 16 hektar e-kreizig-kreiz kêr.
Ur chabistr nevez a gomañse en istor ar Gabusined. Rak roet e oa bet lañs gant Brest meurgêr, asambles gant ar Stad, ar Morlu, ar rannvro, an departamant ha kef ar fiziadoù, d'ur mennad da gempenn ha da reneveziñ ar bladenn, abalamour da adreiñ buhez d'ar c'harter. Fellout a rae d'an den krouiñ ul lec'h foran evit ar sevenadur, an ekonomiezh, an touristerezh hag an dudi, en ur virout ar glad industriel.
E 2012 eo e oa komañset ent ofisiel al labourioù da gempenn al lec'h, gant an tramgarr ouzhpenn, a liamme adalek ar mare-se Rekourañs ouzh kreiz kêr Siam. Rak-se e c'haller mont buan da norzh pe da su kêr adalek karter nevez ar Gabusined.
Kenderc'hel a ra an avantur gant digoradur ofisiel an Atalieroù d'an annezidi, ha pa lakaer en-dro an teleferik kentañ e Frañs en ur gêr, etre ar bladenn ha traoñ ar straed Siam. Goude-se e teuas pep tra lerc'h-ouzh-lerc'h er bloavezhioù da-heul gant, da skouer, digoradur al levraoueg François Mitterrand - Les Capucins, degemer ar c'hentañ embregerezhioù sevel tiez Cap Vert, donedigezh an annezidi kentañ ha stalioù nevez.
Deuet eo Ateliers des Capucins da vezañ ur gwir lec'h evit ar bobl ha ne baouez ket da ziorren a zeiz da zeiz ! N'eo ket echu an istor...
Cette luxueuse embarcation, construite en 1810 à la demande de Napoléon Ier, a été confiée après la chute de l’Empire à l’Arsenal de Brest. Le canot d’apparat aura passé près de 130 ans au cœur de la cité finistérienne avant d’être évacué à Paris lors de la Seconde Guerre mondiale. En 2018, le Musée national de la Marine doit fermer ses portes pour effectuer des travaux, aussi les vents mènent de nouveau le canot vers son port d’attache. De janvier à février 2020, le caisson est ouvert et le canot minutieusement levé pour être installé sur son socle définitif. Les visiteurs des Ateliers ont alors pu admirer le travail de restauration des ornementations qui sont celles de l’époque. Le Canot de l’Empereur est désormais prêt à entamer un nouveau siècle d’histoire en plein cœur des Ateliers des Capucins !
