Prevesadur

10 000 m² zo er Place des Machines. Ul lec'h iskis eo, ha n'en deus ket e bar a-fet e istor hag ar mod m'eo savet. Gallout a ra bezañ feurmet evit 500 m² d'an nebeutañ ha bezañ speurennet evel a garer. Ur "plas foran" eo, setu e c'hallomp bevenniñ ha prevesaat kornioù zo gant binvioù a bep seurt, met ne c'hallomp ket serriñ al lec'h a-bezh ouzh an holl. Gallout a reoc'h ober eus hoc'h abadenn unan espar gras da zibarded al lec'h.

Mat-tre eo an Auditorium evit aozañ kendivizoù, abadennoù labour a bep seurt, bannañ filmoù pe aozañ arvestoù bihan. 195 azezenn zo ennañ, 4 flas PMR (tud dalc'het en o c'herzhed) hag all. Sikouret e vioc'h gant un teknikour aotreet evit hoc'h holl ezhommoù teknikel e-barzh al lec'h-se a zo aveet penn-da-benn evit ar son hag ar video, d'hoc'h abadenn da vezañ disi.